U Minsku vystavili na prodaž sietku z dvuch dziejnych kampjutarnych kłubaŭ. Ułaśnik acaniŭ uvieś biznes u 330 286 rubloŭ, što ekvivalentna prykładna 110 tysiačam dalaraŭ. Abjava źjaviłasia na śpiecyjalizavanaj placoŭcy B4y.by, piša Office Life.
Sietka pracuje ŭ stalicy bolš za try hady. Kłuby raźvivajucca pa franšyzie z padtrymkaj pravaŭładalnika. Miarkujučy pa fotazdymkach u abjavie, jany pracujuć pad brendam Colizeum. Tut rehularna ładziać kibierspartyŭnyja turniry, tematyčnyja mierapryjemstvy i hulniavyja nočy, dziakujučy čamu ŭ kłubaŭ sfarmavałasia pastajannaja aŭdytoryja.
U łot uvachodziać dva kłuby ŭ roznych rajonach Minska ahulnaj płoščaj 314 kvadratnych mietraŭ. Pieršy znachodzicca na praśpiekcie Puškina, zajmaje 158 kvadratnych mietraŭ i maje 40 kampjutaraŭ. Druhi raźmieščany ŭ žyłym masivie na praśpiekcie Rakasoŭskaha. Jaho płošča składaje 156 kvadratnych mietraŭ, a kolkaść kampjutaraŭ — 36.
Razam z abstalavańniem i pamiaškańniami novamu ŭładalniku pieradaduć kamandu supracoŭnikaŭ i naładžanyja pracoŭnyja pracesy.
Pradaviec śćviardžaje, što biznes prynosić stabilnuju vyručku, a jaho prybytkovaść paćviardžajecca dakumientami. Padrabiaznyja finansavyja pakazčyki i mahčymyja ŭmovy ździełki ŭłaśniki hatovyja abmierkavać z patencyjnymi kupcami asabista.
Ciapier čytajuć
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi5757
Kamientary