Łatuška prapanuje pryznačyć śpiecyjalnaha pasłańnika ES pa spravach Biełarusi
Taki pasłańnik, razvažaje Łatuška, moh by pradstaŭlać biełarusaŭ padčas pieramovaŭ pa vajnie va Ukrainie zamiest Łukašenki.
Namieśnik kiraŭnicy Abjadnanaha pierachodnaha kabinieta i kiraŭnik NAU Pavieł Łatuška prapanuje pryznačyć śpiecyjalnaha pasłańnika ES pa spravach Biełarusi.
«Ci źjaŭlajecca realistyčnym scenaryjem udzieł demakratyčnych siłaŭ u pieramovach [pa vajnie va Ukrainie]? Ščyra kažučy, kab hetaha damahčysia, nam patrebny mocny hołas našych partnioraŭ, i tut my hladzim na našych sajuźnikaŭ — na ES, na Polšču, na Vialikabrytaniju, na Ukrainu i na ZŠA. I tamu my raspracavali 10 umovaŭ, jakija pavinien vykanać Łukašenka, kali choča sieści za hety stoł pieramovaŭ. My prapanujem pryznačeńnie śpiecyjalnaha pasłańnika ES pa spravach Biełarusi, jaki mieŭ by mocny mandat, zasnavany na apošnich rašeńniach ES, i, mahčyma, pradstaŭlaŭ by i nas padčas hetych pieramovaŭ», — zajaviŭ palityk padčas Poznańskaha ekanamičnaha kanhresa, paviedamlaje telehram-kanał Łatuški.
Padčas dyskusii jon taksama razvažaŭ pra situacyju ŭ Biełarusi ŭ kantekście jeŭrapiejskaj biaśpieki.
«Biaśpieka dla Polščy ci dla ES — heta damovicca z Łukašenkam ci demakratyčnyja źmieny ŭ Biełarusi? Biezumoŭna, demakratyčnyja źmieny ŭ Biełarusi, tamu što damovicca z Łukašenkam sprabavali ŭžo piać razoŭ. Heta nie pryviało da stratehičnych źmien — adbylisia tolki kaśmietyčnyja, i paźniej my mieli 2020 hod. Heta strašny hod represij, i hety strašny hod praciahvajecca ŭ 2026-m».
Pavieł Łatuška taksama adznačyŭ, što Łukašenka nie moža być harantam biaśpieki ŭ rehijonie:
«Dla ES, jak i dla Polščy, važna, kab Biełaruś była biaśpiečnaj krainaj, demakratyčnaj i svabodnaj. Łukašenka nie harantuje svabody i biaśpieki dla Polščy i dla ES. Jon padpisaŭ stolki pahadnieńniaŭ z Rasijaj, što nie vyzvalicca ad hetych abaviazacielstvaŭ. Jon padpisaŭ i vajennuju daktrynu, i damovu ab harantyjach stratehičnaj biaśpieki, jakija całkam abaviazvajuć jaho vykonvać usie zahady, što iduć z Kramla».
-
Kubrakoŭ — daišnikam: Nikoha nie bojciesia! Važnaja hatoŭnaść prymianić zbroju
-
Doktarka ź minskaj chutkaj dapamohi ździekavałasia z błohierki ź invalidnaściu. A tych, chto pačaŭ zastupacca, abazvała bijaśmiećciem
-
«Čat pieranosicca ŭ novuju hrupu». Karystalnikaŭ Telegram papiaredžvajuć pra novy chitryk machlaroŭ
Ciapier čytajuć
34‑hadovaha aficera-ideołaha z Hrodna adpravili ŭ kałoniju pa palityčnaj spravie14
34‑hadovaha aficera-ideołaha z Hrodna adpravili ŭ kałoniju pa palityčnaj spravie
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi6262
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi62
Što znajšli ŭ viaźnicy Kreŭskaha zamka, dzie ŭ 1382‑m zadušyli Kiejstuta? Jana była pachavanaja pad zavałami paśla šturmu Śvidryhajły amal 600 hadoŭ11
Kamientary