Vajna66

Zialenski: Dla ŭdaru pa Krymskim moście my prymianiali tolki ŭłasnuju zbroju

Prezident Ukrainy Uładzimir Zialenski zajaviŭ, što dla ŭdaru pa Krymskim moście vykarystoŭvalisia vyklučna ŭkrainskija rakiety i bieśpiłotniki. Pavodle jaho słoŭ, apieracyja prademanstravała efiektyŭnaść ułasnych vajskovych raspracovak krainy. Pra heta jon napisaŭ uviečary 17 listapada ŭ sacyjalnaj sietcy X.

Fota: Satellite image (c) 2026 Vantor via Getty Image

Uładzimir Zialenski adznačyŭ, što stratehična važny dla Rasii most udałosia častkova razburyć z dapamohaj zbroi ŭkrainskaj vytvorčaści. Vykarystanyja bieśpiłotniki i kryłatyja rakiety prademanstravali vysokuju dakładnaść udaraŭ. 

Pavodle ŭkrainskaha prezidenta, u raspracoŭcy technałohij dla abaronnaj śfiery Ukraina ciapier uvachodzić u trojku viadučych krain śvietu. U Jeŭropie, na jaho dumku, jana zajmaje pieršaje miesca. Zialenski taksama zajaviŭ, što ŭkrainskija technałohii i pradpryjemstvy paśpiachova raźvivajucca. Jon padkreśliŭ, što Ukraina adkazvała i budzie praciahvać adkazvać na rasijskija ataki.

Padobnuju da vykładzienaj Zialenskim viersiju apieracyi raniej vykazvaŭ i ŭkrainski aficer, jaki ŭdzielničaŭ u jaje praviadzieńni. U intervju brytanskaj haziecie The Times jon zajaviŭ, što padčas ataki nibyta navat nie vykarystoŭvali ni spadarožnikavuju suviaź Starlink, ni jaje vajskovuju viersiju Starshield.

Pa słovach hetaha aficera, amierykanski bok sprabavaŭ paralizavać ukrainskuju suviaź dla praviadzieńnia padobnych apieracyj, adnak hetaja misija pakazała, što Ukraina zdolnaja stvaryć ułasnyja srodki suviazi dla pieradačy radyjosihnałaŭ. Upieršyniu ŭsie bieśpiłotniki vykarystoŭvalisia dla pieradačy videasihnałaŭ rakietam, što dazvalała im paražać dakładna vyznačanyja ŭčastki mosta.

Aficer taksama paviedamiŭ, što apieracyju zadumali jak simvaličny žest napiaredadni sustrečy Uładzimira Pucina z Donaldam Trampam i Si Dzińpinam u Kitai. Takim čynam, pavodle jaho słoŭ, chacieli prademanstravać słabaść rasijskaha prezidenta.

U vyniku masavanaj pavietranaj ataki ŭnočy 17 listapada Uzbrojenyja siły Ukrainy častkova razburyli Krymski most, jaki złučaje rasijskuju macierykovuju terytoryju z anieksavanym ukrainskim Krymam.

Most praz Kierčanski praliŭ ličycca adnym z najbolš prestyžnych prajektaŭ Uładzimira Pucina. Jaho daŭžynia składaje 19 kiłamietraŭ. Most staŭ pieršaj pastajannaj transpartnaj suviaźziu pamiž Rasijaj i anieksavanym paŭvostravam.

Rasija vykarystoŭvała most dla zabieśpiačeńnia svaich vojskaŭ u Krymie i na akupavanych terytoryjach poŭdnia Ukrainy. Akramia taho, pa im sotni tysiač rasijskich turystaŭ dabiralisia na aŭtamabilach i ciahnikach da krymskaha ŭźbiarežža.

Kamientary6

  • A1
    18.11.2026
    Ukraincy zrobiać i svaju jadravuju zbroju jašče ...
  • Navahradski Švadron
    18.11.2026
    Nie treba budzie ni Starlinkaú, ni Petriot. Ukraincy zrobiać svajo, jašče i Terminataraú prydumajuć
  • 1a
    18.11.2026
    A1, dy daŭno ŭžo zrabili
    so rak hod tamu ...

Ciapier čytajuć

Zavadčanin z Homiela staŭ zorkaj tyktoku dziakujučy raspakoŭcy ssabojek, jakija jamu źbiraje na pracu žonka

Zavadčanin z Homiela staŭ zorkaj tyktoku dziakujučy raspakoŭcy ssabojek, jakija jamu źbiraje na pracu žonka

Usie naviny →
Usie naviny

Paradoks bahatych krain: piensijaniery zamožnyja jak nikoli, ale dziaržavy traciać na ich usio bolš hrošaj6

Čamu zimoj nie varta trymać ježu na bałkonie?5

Seks z efiektam prysutnaści. U amierykanskich 4DX kinateatrach źjaviŭsia novy trend5

Na puciepravodzie pamiž Kamiennaj Horkaj i Lebiadzinym u Minsku ŭžo ŭklučajuć padśvietku FOTAFAKT

U Minsku z aŭkcyjonu pradajuć kultavy amierykanski pikap. Jon u žachlivym stanie, ale kaštuje doraha1

12‑hadovaja dačka biznesmiena Zinhmana pieramahła ŭ rasijskim anałahu dziciačaha «Jeŭrabačańnia»24

U lesie na miažy Biełarusi z Łatvijaj źnik kienijec. Jaho šukajuć svajaki3

U Atłantyčnym akijanie imkliva razrastajecca hihancki pojas vodaraściaŭ1

Praviali losavańnie čverćfinałaŭ futbolnaj Lihi nacyj3

bolš čytanych navin
bolš łajkanych navin

Zavadčanin z Homiela staŭ zorkaj tyktoku dziakujučy raspakoŭcy ssabojek, jakija jamu źbiraje na pracu žonka

Zavadčanin z Homiela staŭ zorkaj tyktoku dziakujučy raspakoŭcy ssabojek, jakija jamu źbiraje na pracu žonka

Hałoŭnaje
Usie naviny →

Zaŭvaha:

 

 

 

 

Zakryć Paviedamić