U noč na 18 listapada Siły abarony Ukrainy nanieśli avijaŭdary pa Ilskim i Afipskim naftapierapracoŭčych zavodach u Krasnadarskim krai. Abodva pradpryjemstvy źjaŭlajucca važnymi pastaŭščykami paliva na poŭdni Rasii, paviedamiŭ Hienieralny štab Uzbrojenych sił Ukrainy.

Pavodle infarmacyi Hienštaba, u rajonie Ilskaha NPZ zafiksavali vybuchi i zadymleńnie, byli paškodžanyja reziervuary. Hety zavod naležyć da najbujniejšych naftapierapracoŭčych pradpryjemstvaŭ na poŭdni Rasii i zdolny pierapracoŭvać kala 6,6 miljona ton nafty štohod. Jaho pradukcyja vykarystoŭvajecca dla zabieśpiačeńnia patreb rasijskich uzbrojenych sił.
Na Afipskim NPZ była paškodžanaja ŭstanoŭka pierapracoŭki nafty. Hadavaja mahutnaść pradpryjemstva składaje 6,25 miljona ton — bolš za 2% ad ahulnaha abjomu naftapierapracoŭki ŭ Rasii.
Va ŭkrainskim Hienštabie adznačajuć, što razam dva zavody mohuć pierapracoŭvać kala 13 miljonaŭ ton nafty za hod, što składaje bolš za 4% usioj naftapierapracoŭki Rasii. Ich raźmiaščeńnie na poŭdni krainy zabiaśpiečvaje najkaraciejšy šlach pastaŭki paliva rasijskim vojskam na froncie.
Pavodle ŭkrainskaha Hienštaba, paškodžańni hetych pradpryjemstvaŭ aznačajuć mienšyja pastaŭki dyzielnaha paliva i bienzinu dla rasijskaha vojska, a taksama skaračeńnie dachodaŭ ad nafty, za jakija Rasija nabyvaje rakiety i drony typu «Šachied».
Udary pa rasijskich NPZ pahruzili krainu ŭ najhoršy paliŭny kryzis z časoŭ raspadu Savieckaha Sajuza
Ukrainskija drony znoŭ dabralisia da Omska ŭ Sibiry
Ukrainskija bieśpiłotniki atakavali Leninhradskuju vobłaść. Paviedamlajecca pra pažar na NPZ u Kiryšach
U Razani paśla ataki dronaŭ haryć NPZ, jaki zabiaśpiečvaje palivam Maskvu
Kamientary