Ukraincy nanieśli mocny ŭdar pa rasijskich radarach i stancyjach REB
Za adny dzień Siły abarony Ukrainy parazili 10 rasijskich radyjołakacyjnych stancyj i kompleksaŭ radyjoelektronnaj baraćby. Udary nanosilisia 16 listapada i ŭ noč na 17 listapada, paviedamiŭ Hienieralny štab USU.

Paviedamlajecca, što najbolš ad hetych udaraŭ paciarpieła Branskaja vobłaść Rasii. Tam udałosia parazić šeść radyjołakacyjnych stancyj małoj dalokaści, jakija vykarystoŭvajucca dla vyjaŭleńnia ŭkrainskich bieśpiłotnikaŭ i kiravańnia srodkami supraćpavietranaj abarony na pamiežžy. Taksama pad udar trapili dźvie taktyčnyja stancyi radyjoelektronnaj baraćby, pryznačanyja dla hłušeńnia suviazi i navihacyi ŭkrainskich dronaŭ.
Jašče dźvie stancyi REB byli źniščanyja na poŭdni: u rajonie Jakavienkava na časova akupavanaj terytoryi Kryma i niepadalok ad Pryazoŭskaha ŭ Krasnadarskim krai Rasii.
Ukrainskija vajskoŭcy adznačajuć, što źniščeńnie hetych srodkaŭ asłablaje mahčymaści rasijskaha vojska vyjaŭlać ukrainskija bieśpiłotniki i pieraškadžać ich pracy. Heta, pavodle ŭkrainskaha boku, pavinna palehčyć dalejšaje naniasieńnie ŭdaraŭ pa rasijskich vajskovych celach.
Źjavilisia FOTY i VIDEA razburanaha Krymskaha mosta zblizku
Minabarony raskazała, jak nad Biełaruśsiu źbivajuć zabłukałyja drony
Zialenski zajaviŭ, što Ukraina spyniła bolš za pałovu rasijskaj naftapierapracoŭki
Ukrainskija drony nie mohuć dahnać reaktyŭnyja «Šachiedy». U SpaceX kažuć pra techničny zboj
U Kijevie paśla rasijskaj ataki pierakryli dva najbujniejšyja masty praz Dniapro. U horadzie transpartny kałaps
Kamientary