Надзвычайнае ў Маладзечне: на мясакамбінаце Чыжа ўцечка аміяку, эвакуацыя
Па стане на 15.15 уцечка была ліквідаваная.
Сёння, 7 снежня, каля 11.30 у рэдакцыю «Рэгяінальнай газеты» патэлефанавала жанчына і паведаміла, што з тэрыторыі мясакамбіната адчуваецца непрыемны пах аміяку.
Па словах начальніка аддзела па надзвычайных сітуацыях Вячаслава Грыня,
здарылася ўцечка пароў аміяку з нявыкарыстанага абсталявання.
Зараз на месцы здарэння выратавальнікі ліквідуюць наступствы.
У рэдакцыю патэлефанавала відавочца здарэння Марына Шупенька, якая расказала, што, калі праходзіла міма мясакамбіната, пачула непрыемны рэзкі пах аміяку, ад якога градам паліліся слёзы і пачаўся кашаль.
Людзей, якія знаходзіліся на прадпрыемстве, адразу пачалі эвакуяваць. Пачалі эвакуяваць і нават тых, чые прадпрыемствы знаходзіліся паблізу.Вуліца Гарадоцкая для праезду закрытая.
Па інфармацыі МНС,
з тэрыторыі прадпрыемства былі шпіталізаваныя некалькі машыністаў, якія ўвайшлі ў будынак халадзільнай камеры, адкуль і чуўся пах аміяку. Яны атрымалі лёгкае хімічнае атручванне.
Удакладняецца, што ўсяго шпіталізаваныя чатыры чалавекі. Адзін з іх зайшоў у камеру і ўбачыў, што з вентыля на трубаправодзе адбываецца ўцечка. Мужчына паспрабаваў закрыць вентыль, але не здолеў.
Выратавальнікі запэўніваюць, што пагрозы жыхарам горада няма.
На месы здарэння працуюць прадстаўнікі цэнтра гігіены і эпідэміялогіі, Маладзечанская раённая камісія па надзвычайных сітуацыях.
Прычыны здарэння высвятляюцца.
Адметна, што камбінат належыць кампаніі «Трайпл-Велес», уладальнікам якой з'яўляецца адзін з багацейшых беларусаў Юрый Чыж.
На прадпрыемстве ў 2009-м была праведзена мадэрнізацыя тэхналагічных працэсаў і рэканструкцыя будынка.
Летась, 21 мая, у Маладзечне здаралася ўцечка аміяку з халадзільнай устаноўкі масласырбазы. Тады чатыры работнікі былі шпіталізаваныя з атручваннем.
Цяпер чытаюць
Пасадзілі адваката Дзмітрыя Лаеўскага, які абараняў Бабарыку і Знака8
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
Каментары