Міліцыянты зрабілі дзве аблавы на клубы, дзе сабраліся прадстаўнікі ЛГБТ-супольнасці, паведаміў БелаПАН старшыня праваабарончага праекту «Гей-Беларусь» Сяргей Андросенка, які арганізоўваў гэтыя мерапрыемствы.
Першы інцыдэнт адбыўся ўночы з 11 на 12 студзеня ў менскім клубе «6А». Працаўнікі міліцыі ўварваліся ў клуб, заблакавалі выхад і перапісалі звесткі ўсіх, хто там быў.
«Каля паловы на 2-ю ночы да клубу пад’ехаў аўтобус з 10 міліцыянтамі, некаторыя былі ў цывільным, іншыя – ва ўніформе. Выхад яны заблакавалі. Калі мы спыталі, што адбываецца, нам адказалі, што міліцыя шукае злачынцу, які ўцёк з калоніі. Яны паказвалі фотаробат і пры гэтым перапісалі звесткі ўсіх наведнікаў вечарыны. Ува ўсіх пыталіся, што яны робяць у клубе», – распавёў Андросенка.
У ноч з 12 на 13 студзеня аналагічны выпадак адбыўся ў віцебскім клубе «XXI стагоддзе». «Каля 11-й гадзіны ўвечары ў клуб прыехалі два працаўнікі паставой службы. Яны заявілі, што ведаюць, што ў клубе праходзіць «акцыя секс-меншасцяў», прыблізна гадзіну яны сачылі за тым, хто прыходзіць у клуб, уважліва ўсіх разглядалі, – зазначыў арганізатар. – Праз паўгадзіны пасля таго, як яны сышлі, у клуб забеглі міліцыянты і спецназаўцы. Яны адразу загадалі ўсім ўстаць да сценаў: хлопцы з аднаго боку, дзяўчаты – з другога. Перапісвалі звесткі ўсіх, хто быў у клубе, патрабавалі ў кожнага назваць месца жыхарства і працы, здымалі ўсіх на відэакамеру. З хлопцамі паводзіліся даволі груба. Некаторыя – абражальна».
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары