Пасля дагляду аўто з Астравецкага РАУС вызвалілі старшыню АГП Анатоля Лябедзьку, паведамляе БелаПАН.
Тым часам, на ўездзе ў Маладзечна спынілі аўто каардынатара грамадскай кампаніі «Астравецкая атамная — гэта злачынства!» Мікалая Уласевіча. Ён знаходзіцца ў мясцовым РАУС ужо дзве гадзіны.
***
Старшыню Аб'яднанай грамадзянскай партыі Анатоля Лябедзьку ў другі раз затрымалі ў Астраўцы.
26 красавіка ён разам з кіраўніком Гродзенскай абласной арганізацыі АГП Іванам Круком і каардынатарам грамадскай кампаніі «Астравецкая атамная — гэта злачынства!» Мікалаем Уласевічам ездзіў па рэгіёнах, пацярпелых ад аварыі на Чарнобыльскай АЭС. Паездку асвятлялі журналісты Аляксандр Баразенка і Анастасія Яўмен.
У Астраўцы іх не пусцілі на пляцоўку будучай АЭС. Міліцыянты і людзі ў цывільным затрымалі журналістаў і адвезлі іх у РАУС.
Лябедзьку, які чакаў вырашэння сітуацыя з журналістамі каля будынка РАУС, пазней таксама затрымалі.
Як паведаміў «Нашай Ніве» старшыня АГП, яго вызвалілі разам з журналістамі. Але па дарозе з горада ягоны аўтамабіль блакавалі супрацоўнікі міліцыі. «Вярнулі назад у РАУС. Цяпер чакаюць санкцыю пракурора на дагляд аўто».
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары