Закрываецца шведская Studio Total, што арганізавала «плюшавы дэсант»
Заснавальнікі студыі заяўляюць, што пяцігадовы эксперымент скончаны і трэба рухацца наперад.
Пэр Кромвэл і Томас Мазэці абвясцілі, што Studio Total зрабіла ўсё, для чаго была створаная.
Крэатыўшчыкі пераключаюцца на стартапы сеціўнага праекта NSID, а рэкламнае агенцтва закрываюць.
Беларусам Studio Total вядомая па адзінай скандальнай акцыі — «цацачным дэсанце», які шведы скінулі на Івянец )Валожынскі раён) 4 ліпеня 2012 года.
Але Кромвэл і Мазэці не стамляюцца ўварочваць Беларусь у свае адказы, да месца і не. Напрыклад, так:
— Як справы з фінансамі ў вашага агенцтва?
«Цяжка кіраваць агенцтвам, калі ў вас ёсць 80% удзелу ў іншым месцы. Я кажу пра барацьбу супраць дыктатуры ў Беларусі».
Дарэчы, днямі Пэр і Томас прадалі на eBay самалёт, з якога бамбілі Беларусь плюшавымі мішкамі.
Studio Total шмат разоў падманвала чаканні публікі, заўважае Resume.
Таму не выключана, што дэманстратыўны сыход з бізнэса — гэта проста чарговы піяр-ход.
Цяпер чытаюць
Маўрыкій, Сейшэлы, Шры-Ланка і не толькі: паглядзелі, куды збеглі ад беларускіх маразоў праўладныя артысты і вядучыя6
Каментары