П’яны гродзенец паабяцаў прастрэліць лёгкія афіцыянту, які адмовіўся ад «чаявых»
За здзяйсненне асабліва злоснага хуліганства прыйдзецца адказваць раней неаднаразова судзімаму жыхару Гродна, паведамляе сайт УУС Гродзенскага аблвыканкама.
25-гадовы хлопец ўвесь вечар піў спіртное, а бліжэй да ночы зайшоў павячэраць у бар. Хутка дачакаўшыся замовы, ён вырашыў «аддзячыць» афіцыянту. У якасці чаявых кінуў у недапіты келіх піва дзве тысячы беларускіх рублёў.
Арыгінальную ідэю кліента «гарсон» не ацаніў і моўчкі пайшоў, калі яму прапанавалі ўзнагароду. Падазраваны, у сваю чаргу, расцаніў гэта як непавагу, падышоў да барнай стойкі і накіраваў у бок афіцыянта пнеўматычны пістлет.
Апошні не разгубіўся і націснуў трывожную кнопку. Нарад міліцыянтаў Кастрычніцкага аддзела Дэпартамента аховы МУС аператыўна затрымаў хулігана, які да таго моманту яшчэ не паспеў сысці.
Свае хамскія паводзіны падазраваны патлумачыў тым, што быў п'яны.
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку9
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары