Пасол Расіі параўнаў цэны ў Мінску і Маскве.
Аляксандр Сурыкаў таксама сказаў, што ў Беларусь на Новы год прыедзе больш за мільён расійцаў. Ён заявіў пра гэта ў эфіры тэлеканала СТВ.
Пасол яшчэ раз падкрэсліў, што крэдыт у 2 мільярды даляраў, які атрымае Мінск, — гэта не падарунак.
«Я не думаю, што гэта падарунак! Гэта ніякі не падарунак, усё гэта разумныя дзеянні абедзвюх дзяржаваў, я наўпрост скажу. Ну, у дадзеным выпадку мы — крэдытор, крэдыт накіраваны на павышэнне самадастатковай беларускай эканомікі. Дакладней, самадастатковасці беларускай эканомікі. Вось гэта — важна», — перакананы ён.
Аляксандр Сурыкаў пагадзіўся з тым, што ўступленне Расіі ў СГА паўплывала на падзенне тавараабароту паміж Мінскам і Масквой.
Пасол расказаў, чаму, на яго думку, расійцы едуць адпачываць у Беларусь.
«Ведаю, што ўсе санаторныя месцы на сённяшні дзень у Беларусі запоўненыя, — сказаў Сурыкаў, адказваючы на пытанне аб росце колькасці турыстаў з Расіі ў гэтым годзе. — Усе гатэлі запоўненыя цалкам, усе аграсядзібы запоўненыя. Значыць, падабаецца! А колькі мільёнаў прыедзе, мне сказаць складана, таму што я разам усіх месцаў Беларусі не ведаю. Але гэта далёка за мільён чалавек прыедзе».
Вядоўца Казіятка выказаў меркаванне, што расійцы едуць да нас праз нізкія цэны.
«Я хлусіць пра цэны не буду, таму што па асобных відах прадукцыі, асабліва рыбапрадуктах, у Беларусі атрымліваецца даражэй, чым на Рублёўцы ў Маскве, — не пагадзіўся Сурыкаў.
— А ў цэлым, па шараговых прадуктах, вы маеце рацыю. Але не гэта галоўнае! Вы разумееце, атрымліваецца, што мы дзве суверэнныя, незалежныя, маладыя дзяржавы. І галоўнае, на маю думку, не прадукты, якія таннейшыя, не выпіўка. Атрымліваецца, што мы — замежжа для Беларусі, а Беларусь — замежжа для Расіі. Але гэта роднае замежжа! Не трэба табе ні віз афармляць, нічога не трэба рабіць».
-
Здзелка Трампа з Пуціным: чым за яе могуць заплаціць Украіна і Беларусь
-
Ці можа Беларусь стаць дэмакратычнай пры жывым Пуціне? Карбалевіч пра страхі Лукашэнкі і тое, што будзе пасля яго
-
Статкевіч: Калі Беларусь возьме ўдзел у агрэсіі супраць NATO ці стане тылам для такіх дзеянняў, то ўдар NATO па Беларусі будзе непазбежным
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь10
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары