Экс-намеснік начальніка антыкарупцыйнага глаўка МУС Расіі Барыс Калеснікаў, які знаходзіўся пад следствам, загінуў, выкінуўшыся падчас допыту з акна, паведамляе прадстаўнік Следчага камітэта.
Па словах афіцыйнага прадстаўніка СК РФ Уладзіміра Маркіна, экс-генерал, арыштаваны ў лютым па абвінавачванні ў перавышэнні службовых паўнамоцтваў і ў арганізацыі злачыннай супольнасці, cкончыў жыццё самагубствам. Паводле звестак следства, раней генерал ужо двойчы нібыта спрабаваў звесці рахункі з жыццём.
Адвакат Калеснікава Георгій Антонаў кажа, што яму пра здарэнне вядома выключна са слоў іншага адваката Чыжыкава, які таксама не прысутнічаў у кабінеце, калі былы генерал выкінуўся з акна.
Паводле версіі следства, Калеснікаў дзейнічаў сумесна са сваім былым начальнікам, генерал-лейтэнантам паліцыі Дзянісам Сугробавым, і яшчэ некалькімі калегамі. З лістапада 2013 года да лютага 2014 г. злачынная група здзейсніла не менш за 10 цяжкіх злачынстваў, паведамлялі раней следчыя ў судзе.
Калеснікаў не прызнаваў віну.
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы36
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары