Еўрапейскі саюз і Украіна пойдуць на значныя саступкі Расіі па Пагадненні аб асацыяцыі, падпісаным у чэрвені. Пра гэта піша нямецкая газета Süddeutsche Zeitung, спасылаючыся на ўласныя крыніцы.
У прыватнасці, паводле інфармацыі выдання, бакі прымуць «тысячы выключэнняў» ва ўжо падпісанай дамовы.
«Гэта вынік значных дыпламатычных намаганняў, у якіх вельмі важную ролю адыграла канцлер Нямеччыны Ангела Меркель», - гаворыцца ў артыкуле.
Намер складаўся ў тым, каб задаволіць расійскую крытыку адносна зоны свабоднага гандлю.
Для Меркель зона свабоднага гандлю з Украінай з самага пачатку была праблемай. Ёй не падабаецца, што Украіну прымусілі выбіраць паміж ЕС і Мытным саюзам.
«Цяпер сяброўства ў двух мытных саюзах немагчыма», - сказала яна ў снежні на саміце ЕС у Бруселі. Вядома, трэба гаварыць з Расіяй аб тым, «як нам выйсці з гэтага», адзначыла канцлер.
Такім чынам «пасля шырока разрэкламаваных санкцый ЕС» пачаўся пошук кампрамісу з Пуціным, піша нямецкае выданне.
Цяпер чытаюць
Памерла палітзняволеная Алена Панкова. Паўгода назад яе асудзілі за ўдзел у пратэстах1
Памерла палітзняволеная Алена Панкова. Паўгода назад яе асудзілі за ўдзел у пратэстах
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары