На сайце расійскага МЗС змешчаны каментар Дэпартамента інфармацыі і друку МЗС Расіі ў сувязі з пытаннем «РІА Новости» аб магчымасці ўвядзення адзінай уязной візы ў Саюзнай дзяржаве Расіі і Беларусі.
«Гэтае пытанне, — гаворыцца ў каментары — сапраўды абмяркоўваецца паміж Масквой і Мінскам, хоць перамовы па канкрэтным праекце пакуль не пачыналіся.
Ва ўмовах адсутнасці памежнага кантролю ўвядзенне адзінай візы бачыцца цалкам лагічным крокам.
Але штучна фарсіраваць падрыхтоўку адпаведнага двухбаковага дакумента ні ў Расіі, ні ў Беларусі не настроены - фармулёўкі будучага пагаднення павінны быць адточаны настолькі, каб яго рэалізацыя не стварала праблем прыстойным падарожнікам. Акрамя таго, спатрэбіцца ацэнка тых выдаткаў, якія непазбежна пацягне за сабой фарміраванне адзінай візавай прасторы».
Каментары