У канцы жніўня многія СМІ паведамлялі, што вайскоўцаў расійскай арміі пад выглядам апалчэнцаў будуць адпраўляць у Данбас. Натуральна, Міністэрства абароны Расіі ці называла гэтую інфармацыю чуткамі, ці ўвогуле не «апускалася» да каментароў.
Аднак колькасць трывожных сігналаў расла як снежны ком, і з гэтым трэба было нешта рабіць.
«Пэўных звестак з вартых даверу крыніц у нас не было, — распавядае прэс-сакратар «Салдацкіх маці Пецярбурга» Аляксандр Перадрук. — Але было вельмі шмат сігналаў ад людзей, якія прадстаўляліся сваякамі вайскоўцаў.
Каб праверыць інфармацыю, мы месяц таму накіравалі запыт у Мінабароны, у якім прасілі праверыць наступныя факты:
1. Ваеннаслужачым в/ч 71211 (331-ы гвардзейскі парашутна-дэсантны полк, г. Кастрама), якія ў цяперашні час знаходзяцца ў пункце часовай дыслакацыі на тэрыторыі Растоўскай вобласці, было абвешчана, што яны больш не з'яўляюцца вайскоўцамі, кантракты аб праходжанні ваеннай службы з імі скасаваныя і ў дадзены момант яны маюць статус апалчэнцаў. Таксама ім было абвешчана, што на працягу бліжэйшых дзён ім будзе загадана высунуцца ў напрамку г. Марыупаля (Украіна)».
2. Вайскоўцы па прызыву в/ч 45377 (1140-ы гвардзейскі артылерыйскі полк, г. Пскоў) паведамляюць, што ў бліжэйшы час іх могуць адправіць з пункта часовай дыслакацыі ў Растоўскай вобласці на тэрыторыю Украіны, з іх узятыя падпіскі пра невыдаванне».
Старшыня «Салдацкіх маці» Эла Палякова адправіла запыт як член Савета па развіцці грамадзянскай супольнасці і правах чалавека пры Прэзідэнце РФ.
Паміж саветам і Мінабароны існуе пагадненне аб супрацоўніцтве, што давала надзею на змястоўны адказ.
Адказ намесніка камандуючага ВДВ па працы з асабістым складам Віктара Купчышына, хоць і адпраўлены 22 верася 2014 года, падобна, што прыйшоў з савецкага мінулага:
«Пададеная Вамі інфармацыя не адпавядае рэчаіснасці. Вашы домыслы заснаваныя на інфармацыі, якая прапагандуецца ў падкантрольных «празаходне» і варожа настроеных у адносінах да Расійскай Федэрацыі каналах СМІ. Захоўвайце спакой і паважайце абаронцаў нашай Айчыны».
Ні слова пра тое, што «праведзеная праверка» і што факты, скажам, не пацвердзіліся. Толькі «вихри враждебные веют над нами и лживые голоса поют»!
Сапраўды, адзінае, што застаецца, — гэта рыхтаваць шапачкі з фальгі (ад апраменьвання ЦРУ) і захоўваць спакой.
Цяпер чытаюць
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2222
Каментары