XVI справаздачна-выбарчы З'езд Партыі БНФ і XIV З'езд ГА БНФ «Адраджэнне» адбудуцца 11 кастрычніка ў Мінску па адрасе вул. Матусевіча, 20 (былы Палац культуры «Сукно»).
Раніцай 7 кастрычніка прадстаўнікі партыі падпісалі дамову на арэнду памяшкання, паведамляе акаўнт партыі ў Facebook.
Першапачаткова З'езд Партыі БНФ быў запланаваны на 13 верасня. Аднак у апошні момант адміністрацыя Палаца культуры імя Шарко адмовілася заключаць дамову арэнды, а ўладальнікі іншых прыдатных памяшканняў патрэбнай умяшчальнасці ў Мінску адмовіліся здаваць канферэнц-залы без дазволу Мінгарвыканкама.
На З'езд вылучана каля 200 дэлегатаў з усіх рэгіёнаў краіны.
Лідар Партыі БНФ Аляксей Янукевіч выказаў спадзяванне, што гэтым разам правядзенне з'езда абыйдзецца без перашкодаў.
На парадку дня — прадугледжаная справаздачна-выбарчая частка (справаздача пра дзейнасць партыі і грамадскага аб’яднання за апошнія тры гады, абраньне старшыні, намеснікаў і Сойма БНФ), а таксама вызначэнне пазіцыі Фронту на будучых прэзідэнцкіх выбарах.
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2121
Каментары