У Мінску пройдзе чарговая акцыя па льготным лячэнні алкагольнай залежнасці, ініцыяваная гарадскім клінічным наркалагічным дыспансерам.
Як паведамляе камітэт па ахове здароўя Мінгарвыканкама, акцыя пройдзе 31 кастрычніка па адрасе: вуліца Някрасава, дом 22, корпус 1. Падчас акцыі будуць праводзіцца кадаванне ад алкагольнай залежнасці і так званая падшыўка (імплантацыя прэпарата). Умовай удзелу ў акцыі з'яўляецца ўстрыманне ад спажывання алкаголю на працягу 10 і больш дзён.
Запіс на льготнае лячэнне праводзіцца ў працоўныя дні з 9.00 да 16.00 па гарадскім тэлефоне 292-31-03
Беларускія медыкі неаднаразова звярталі ўвагу на высокі ўзровень распаўсюджвання алкагалізму ў краіне. У апошнім штогадовым дакладзе Сусветнай арганізацыі аховы здароўя «Аб становішчы ў галіне алкаголю і здароўя» Беларусь была прызнаная лідарам у спажыванні алкаголю. Паводле звестак СААЗ, спажыванне чыстага спірту на аднаго жыхара краіны, якому больш за 15 гадоў, складае ў сярэднім 17,5 літра. Паводле ж афіцыйнай статыстыкі Міністэрства аховы здароўя, спажыванне алкаголю ў Беларусі складае 11,14 літра на душу насельніцтва ва ўзросце большым за 15 гадоў.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары