У Будапешце ў пятніцу, 2 студзеня больш за пяць тысяч дэманстрантаў сабраліся насупраць будынка оперы. Яны выступілі супраць палітыкі збліжэння з Расіяй цяперашняга права-нацыяналістычнага прэм'ер-міністра Венгрыі Віктара Орбана.
Людзі крытыкуюць палітыку Орбана ў галіне эканомікі. «Трывожна назіраць, як Венгрыю ставяць у залежнасць ад Расіі», — лічыць адзін з пратэстоўцаў, маючы на ўвазе расейскі крэдыт у 10 млрд еўра на завяршэнне будаўніцтва венгерскай АЭС «Пакш».
Многія дэманстранты баяцца ўзмацнення аўтарытарызму. «Ва ўсіх аспектах нашага жыцця мы асцерагаемся вяртання да цэнтралізацыі, падобнай той, што была пры камуністычным рэжыме», — кажа іншая дэманстрантка.
Рэгулярныя акцыі пратэсту ў Будапешце ідуць на працягу апошніх двух месяцаў. Арганізатары — прадстаўнікі новай грамадзянскай ініцыятывы «ЦяперМы!» (MostMi!) — абяцаюць паўтор дэманстрацыі 1 лютага, за дзень да візіту ў Венгрыю канцлера Германіі Ангелы Меркель.
Цяпер чытаюць
Арыштавалі прадстаўнікоў кампаніі Bayer у Беларусі15
Каментары