Каляндар «Родны край» на 2015 год выкарыстаў астранамічныя дадзеныя для Масквы, а не Мінска
Ад першага выдання календара «Родны край» штогод набываю яго для штодзённага карыстання. Мяне, рыбака, найбольш цікавяць астранамічныя дадзеныя: усход і захад сонца, даўжыня дня, фазы месяца. Таксама цікавяць звесткі пра знакамітых беларусаў, гістарычныя падзеі. Паклаўшы на стол каляндар на 2015 год, звярнуў увагу на заўважную розніцу ў даўжыні дня напрыканцы мінулага 2014 года і пачатку новага 2015-га.
І нарэшце ў гэтым разабраўся — у календары «Родны край»на 2015 год дзень пазначаны карацейшым на 16 хвілінаў, чым на гэтую дату ў календары на 2013 год.
Закралася падазрэнне: калі жывём па «маскоўскім часе», дык ці не падсунулі нам і маскоўскую астраномію. Пайшоў у кнігарню, паглядзеў гэтую інфармацыю на календарах, якія выдадзены ў Расіі і ў календары «Родны край». Так і ёсць, астранамічныя дадзеныя (усход і захад сонца і даўжыня дня) супадаюць дакладна. Прытым у расійскіх календарах адзначана, што гэтая інфармацыя для Масквы, нават указаны геаграфічныя каардынаты расійскай сталіцы. Але мы ж далёка ад Масквы жывём!
Дарэчы, у рускамоўных «жаночых» календарах беларускага выдання астранамічныя дадзеныя для Мінска супадаюць з дадзенымі календароў «Родны край» ранейшых гадоў выдання, гэта значыць, яны сапраўдныя. У добра напісанай прадмове да календара чытаецца шчыры беларускі патрыятызм. А астранамічныя звесткі — прыкры ляп рэдактара-ўкладальніка календара Сідаравай Л.У. і кіраўніцтва выдавецтва «Беларусь».
-
Цыганкоў: Бабарыка значна бліжэйшы да пазіцыі офіса Святланы Ціханоўскай, чым да выказванняў «бабарыканцаў»
-
Бабарыка турэмшчыкам: «У мяне было, цяпер няма, але ёсць шанец, што будзе. А ў вас не было, няма і не будзе. І ў вашых дзяцей не будзе»
-
«Мне казалі: ты гаворыш як канадскі эмігрант». Сяргей Шупа расказаў пра Вільню 90-х, параўнанне літоўскай літаратуры з беларускай і адрозненні паміж народамі
Цяпер чытаюць
Ад прыватнікаў патрабуюць завесці ідэолага ў штаце — распыталі, што робяць кампаніі17
Каментары