У Баранавіцкім раёне рабаўнік дзве гадзіны пагражаў 82-гадовай пенсіянерцы і патрабаваў у яе гарэлку
У міліцыю 1 мая звярнуліся сваякі 82-гадовай жыхаркі в. Бор, якія паведамілі, што раніцай 29 красавіка ў дом да пенсіянеркі прыйшоў мужчына і, пагражаючы, стаў патрабаваць спіртное.
«Па словах пацярпелай, ён штурхаў яе, утрымліваў за рукі, пагражаў словамі. Дзве гадзіны ён вымагаў у яе спіртное, пакуль пенсіянерка ў выніку не сказала, дзе ў яе захоўваюцца дзве бутэлькі гарэлкі», — распавёў Аляксандр Цялюк, старшы следчы Баранавіцкага міжраённага аддзела Следчага камітэта РБ.
Рабаўнік забраў спіртное і пайшоў. Па падазрэнні ў здзяйсненні злачынства затрыманы 32-гадовы жыхар суседняй вёскі, у дачыненні да яго распачатая крымінальная справа. Мужчыну, згодна КК РБ, пагражае да 6 гадоў пазбаўлення волі.
Каментары