Намеснік старшыні ПА АБСЕ Кент Харстэд сёння на сустрэчы са старшынёй Палаты прадстаўнікоў Уладзімірам Андрэйчанкам адзначыў пазітыўныя змяненні ў Беларусі.
«У беларускім грамадстве адбываюцца вялікія змяненні ў лепшы бок, і мы гэта вельмі добра ацэньваем», — сказаў Кент Харстэд. Ён адзначыў, што ўжо некалькі разоў прыязджаў у Беларусь. Першы візіт быў каля 20 гадоў таму, калі Харстэд прадстаўляў ЮНІСЕФ. Таксама ён наведваў рэспубліку ў якасці кіраўніка шведскай федэрацыі дзюдо.
Кент Харстэд таксама адзначыў, што ў ПА АБСЕ ўжо на працягу некалькіх гадоў ідзе плённы дыялог з кіраўніком беларускай парламенцкай дэлегацыі Віктарам Гумінскім. «Вядзенне дыялогу з беларускім бокам вельмі важна па розных аспектах. Важна ўбачыць сітуацыю, якая цяпер ёсць у Беларусі, і якія далейшыя перспектывы», — сказаў Кент Харстэд.
Таксама ён адзначыў, што Швецыя ўспрыняла сігнал прэзідэнта Беларусі аб жаданні палепшыць адносіны.
«Перад тым, як выехаць у Беларусь, я абмяркоўваў гэты сігнал, які быў на мінулым тыдні з боку прэзідэнта Беларусі, наконт устанаўлення добрых адносін са Швецыяй. Шведскі міністр замежных спраў папрасіў мяне перадаць, што гэты сігнал атрыманы», — сказаў Кент Харстэд.
«Швецыя хацела б убачыць такое развіццё адносін. Мы таксама хацелі б, каб адносіны з Беларуссю пашыраліся і паглыбляліся», — адзначыў ён.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ26
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Каментары