Беларускі спорт робіць істотны ўнёсак у прасоўванне нацыянальных інтарэсаў у знешняй палітыцы, заявіў Аляксандр Лукашэнка падчас наведвання 22 верасня Нацыянальнага алімпійскага камітэта.
«Сёння кажуць: спорт па-за палітыкай. Спорт — гэта самая вялікая палітыка», — цытуе Лукашэнку дзяржаўнае агенцтва БелТА. Поспехі ў спартыўнай сферы садзейнічаюць пазнавальнасці Беларусі, пашырэнню міжнароднага супрацоўніцтва, растлумачыў ён.
Лукашэнка заклікаў «вялікіх спартсменаў» адэкватна ўспрымаць крытыку з боку грамадства. «На любога спартсмена заўсёды аказваўся націск. Вы — вялікія, вы выступаеце сярод роўных. Калі вы, дасягнуўшы такой вышыні, трапляеце пад крытыку ў сродках масавай інфармацыі, ну што ж, цярпіце і пераадольвайце гэты націск. На вас ціснуць не таму, што вы дрэнныя, а таму, што вашы перамогі — гэта больш, чым палітыка», — сказаў ён.
Паводле слоў Лукашэнкі, ва ўсяго свету Беларусь асацыюецца з імем Дар'і Домрачавай. Спартсмены такога ўзроўню, заявіў ён, моцна «ўманціраваныя ў палітыку», «з гэтага пачынаецца ўвесь дыялог на самым высокім узроўні».
У Беларусі, зазначыў кіраўнік дзяржавы, ніколі не шкадавалі грошай на развіццё спорту, таму і запытанне са спартсменаў адпаведнае. «Трэба прывыкнуць да крытыкі. Калі не будзе крытыкі, альтэрнатывы, гэтага ціску, то не будзе выніку», — мяркуе Лукашэнка.
Ён падкрэсліў, што перамогі спартсменаў — гэта прадмет асаблівага гонару беларускага народа. «Пра беларусаў зараз гавораць як пра маладую, спартыўную нацыю, якая дынамічна развіваецца. Гэтае пытанне не толькі іміджу дзяржавы, але і яе будучыні», — сказаў Лукашэнка.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары