Лябедзька, Някляеў і Статкевіч накіравалі генпракурору заяву па факце незаконнага праслухоўвання
Апазіцыйныя палітыкі Анатоль Лябедзька, Уладзімір Някляеў і Мікалай Статкевіч накіравалі генеральнаму пракурору Беларусі заяву па факце незаконнага праслухоўвання, паведамляе прэс-служба Аб'яднанай грамадзянскай партыі.
Нагадаем, Лябедзька сцвярджае, што 16 кастрычніка падчас сустрэчы з Някляевым у кафэ «Салодкі фальварак» на плошчы Перамогі ў Мінску знайшоў у сурвэтніцы «жучок» для праслухоўвання і запісу размовы.
У сваёй заяве палітыкі патрабуюць адказаць, ці давала Генеральная пракуратура санкцыю на праслухоўванне іх тэлефонаў і прыватных размоў Камітэту дзяржбяспекі, Следчаму камітэту або іншым беларускім ведамствам ці спецслужбам.
Калі санкцыя давалася, яны патрабуюць растлумачыць, на якіх падставах і ў адпаведнасці з якімі прававымі нормамі. Калі ж санкцыя не давалася, палітыкі патрабуюць неадкладна распачаць крымінальную справу па факце незаконнага праслухоўвання іх тэлефонаў, арганізацыі праслухоўвання іх размоў, а таксама ўмяшання беларускіх спецслужбаў у іх прыватнае жыццё.
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі28
Каментары