Абвал: золатавалютныя рэзервы паменшалі на $408 млн за месяц, да мінімуму з 2011 года
Па выніках снежня 2015 г. золатавалютныя рэзервы Беларусі скараціліся на 408,2 млн долараў ЗША і на 1 студзеня 2016 г. склалі 4,176 млрд далараў.
Зніжэнне аб'ёму золатавалютных рэзерваў у снежні 2015 г. было абумоўлена пагашэннем Беларуссю знешніх і ўнутраных абавязацельстваў у замежнай валюце ў поўным аб'ёме, гаворыцца ў паведамленні Нацбанка.
У цэлым па выніках 2015 года золатавалютныя рэзервы Беларусі скараціліся на 883,3 млн. даляраў ЗША, у нацыянальным вызначэнні – на 1 248,4 млн долараў ЗША.
Падтрыманню ўзроўню золатавалютных рэзерваў спрыяла рэфінансаванне валютных абавязацельстваў Міністэрствам фінансаў і Нацыянальным банкам шляхам выпуску валютных аблігацый і прыцягнення крэдытных рэсурсаў у агульным аб'ёме каля 3,8 млрд даляраў ЗША.
Акрамя таго, падтрыманню міжнародных рэзервовых актываў спрыяла чыстая купля Нацыянальным банкам замежнай валюты на таргах ААТ «Беларуская валютна-фондавая біржа» ў суме 230 млн долараў ЗША, якая сфарміравалася ў выніку перавышэння прапановы валюты над попытам на яе на ўнутраным валютным рынку.
У 2016 годзе для падтрымання золатавалютных рэзерваў урад і Нацбанк абяцаюць праводзіць збалансаваную макраэканамічную палітыку.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары