Пракурор Крыма Наталля Паклонская вынесла рашэнне аб прыпыненні дзейнасці меджліса крымскіх татараў. Копію дакумента апублікаваў у сваім фэйсбуку адвакат Джэміль Тэмішаў, які прадстаўляе інтарэсы меджліса ў судзе.
«Сёння мной было прынята рашэнне аб прыпыненні дзейнасці грамадскага аб'яднання «Меджліс крымска-татарскага народа» у мэтах недапушчэння парушэння федэральнага заканадаўства», — заявіла Паклонская агенцтву ТАСС.
У сваім рашэнні пракурор анексаванага Расіяй паўвострава спасылаецца на закон «Аб супрацьдзеянні экстрэмісцкай дзейнасці».
«Сабранымі доказамі пацвярджаецца, што мэты і дзеянні згаданага грамадскага аб'яднання накіраваныя на ажыццяўленне экстрэмісцкай дзейнасці», — гаворыцца ў апублікаваным Тэмішавым дакуменце.
У гутарцы з агенцтвам ТАСС адвакат заявіў, што Меджліс будзе абскарджваць рашэнне.
«Наш працэсуальны апанент, разумеючы, што судовыя перспектывы вынясення гэтага рашэння амаль нерэальныя, усё ж такі настойвае на прыпыненні дзейнасці такім вось шляхам. Вядома, мы гэта будзем абскарджваць», — сказаў ён.
Вярхоўны суд Крыма разглядае справу аб прызнанні экстрэмісцкай арганізацыяй меджліса крымскататарскага народа і забароне яго дзейнасці на тэрыторыі Расіі.
Прадстаўнікі арганізацыі лічаць суд палітычна матываваным і называюць працэс часткай рэпрэсій супраць крымскіх татараў.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта2
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары