Рыхтуецца рашэнне аб тым, што з мая гэтага года Верхні горад стане пешаходнай зонай цэлы год, а не толькі ў выхадныя дні, як у цяперашні час. Выключэнне будзе зроблена для транспарту, які абслугоўвае аб'екты грамадскага харчавання, сацыяльна-культурнага прызначэння, размешчаныя там.
Нагадаем: у маі на тэрыторыі Верхняга горада адкрываецца летні музычна-турыстычны сезон. Па верасень кожныя выхадныя тут выступаюць вулічныя тэатры, музыкі, працуе кірмаш рамесных вырабаў.
Ужо вядома, што сёлета адбудуцца фестывалі «Джазавыя вечары» і «Класіка ля ратушы», якія збіралі аншлагі на плошчы Свабоды мінулым летам.
«Хацелася б павялічыць прыватную ініцыятыву. Каб праекты, якія прыцягваюць гараджан і турыстаў у Верхні горад, рэалізоўваліся не толькі за кошт бюджэтных сродкаў, але і тых уласнікаў, хто працуе на гэтай тэрыторыі, - адзначыў намеснік старшыні Мінгарвыканкама Ігар Карпенка. - Разлічваем на актыўнасць творчых саюзаў, музычных калектываў, у якіх ёсць жаданне прадэманстраваць сябе тут «.
Каментары