Аляксандр Лукашэнка адкрыў 10-ы Нацыянальны конкурс прыгажосці «Міс Беларусь 2016».
Аляксандр Лукашэнка ў сваёй прамове падчас адкрыцця конкурсу адзначыў высокую ролю жанчыны ў гісторыі Беларусі. Ён узгадаў Еўфрасінню Полацкую, Алаізу Пашкевіч, Анастасію Слуцкую.
Ён адзначыў, што сёння гэтыя дзяўчаты — удзельніцы конкурсу — робяць крокі не толькі ў сваім асабістым жыцці. «Хтосьці будзе рабіць гэтыя крокі і ў вялікай палітыцы, спачатку дапамагаючы, а потым, займаючыся, можа быць, вялікай палітыкай. Таму што прыгажосць — непераадольная. Прыгажосць немагчыма стрымаць ні ў эканоміцы, ні ў палітыцы, ні ў жыцці», — цытуе БелТА кіраўніка дзяржавы.
У афармленні сцэны пераважаюць беларускія нацыянальныя матывы. А свой першы выхад канкурсанткі зрабілі ў сукенках-вышыванках.
Трансляцыя конкурсу на ТБ пачнецца пасля 21-й гадзіны. Сачыце за абнаўленнямі на nn.by
Каментары