Мінскі гарадскі выканаўчы камітэт сваім рашэннем №1807 павялічыў гранічныя максімальныя тарыфы на рытуальныя паслугі. Адпаведная пастанова была апублікавана 15 ліпеня на Нацыянальным прававым інтэрнэт-партале.
Большасць тарыфаў вырасла на 20%. Яны ўжо ўступілі ў сілу.
Перавозка астанкаў памерлага да месца пахавання ў межах Мінска або ў крэматорый цяпер будзе каштаваць 47,30 рубля. Перавозка цела з Мінска ў межах Беларусі вырасла да 60 капеек за кіламетр ці 16,10 рубля за гадзіну.
Максімальны тарыф за выкопванне магілы ўручную складае 89,7 рубля ўзімку і 42,5 рубля ўлетку.
Калі ж пры выкопванні магілы будзе выкарыстоўвацца тэхніка, то ў зімой час такая паслуга абыдзецца ў 36,4 рубля, а ў летні — 28,4 рубля.
Простая драўляная труна без абіўкі будзе каштаваць 15,4 рубля, з абіўкай — 28,4 рубля.
А вось тарыфы на пахаванне урны з прахам нябожчыка ў нішу або існуючую магілу не змяніліся.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары