Цыганы пакінуць сяло Лашчынаўка Адэскай вобласці Украіны пасля патрабавання з боку мясцовых жыхароў выселіць іх у сувязі з забойствам васьмігадовай дзяўчынкі.
Па словах кіраўніка Ізмаільскай раённай адміністрацыі Валянціны Стойкавай, цыганам дазволяць «мірна забраць свае рэчы і выехаць з сяла» раніцай 29 жніўня.
Яна патлумачыла, што рашэнне сельсавета аб высяленні цыган не мае юрыдычнай сілы, аднак цыганы пагадзіліся на пераезд, паколькі «ў існых умовах не змогуць спакойна жыць у гэтым сяле».
Акрамя таго, цыганы дадуць мясцовым уладам «пералік кантактных асоб» для сувязі па пытаннях «падтрымання iмi парадку», бо, па словах Стойкавай, «гэтыя ромы далёка не з'едуць, яны асядуць у Ізмаільскім раёне».
27 жніўня ў вёсцы Лашчынаўцы Адэскай вобласці была знойдзена забітай васьмігадовая дзяўчынка. Па падазрэнні ў забойстве быў затрыманы 20-гадовы мясцовы жыхар цыганскага паходжання. Пасля гэтага мясцовыя жыхары разграмілі некалькі дамоў, дзе жылі цыганы, і запатрабавалі іх высялення з Лашчынаўкі.
Цяпер чытаюць
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ5
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары