У Браславе судзілі грамадзяніна Чачэнскай Рэспублікі, які перавёў праз мяжу пяцярых в'етнамцаў, паведамляе «СБ Беларусь Сегодня».
35-гадовы праваднік каардынаваў дзеянні па дастаўцы перабежчыкаў з Масквы ў Беларусь. Дзякуючы компасу і тапаграфічнай карце ён ведаў размяшчэнне памежзастаў і нават сігнальных расцяжак. Нелегалы начавалі ў лесе, выконваючы ўсе меры засцярогі.
Падрабязнасці распавёў старшы памочнік пракурора раёна Сяргей Гарбус:
— Нягледзячы на прафесійны падыход да справы, нелегалы пакінулі сляды. Затрымалі іх па сігнале беларускіх памежнікаў ужо на тэрыторыі Латвіі. Цікава, што 20-25-гадовыя грамадзяне В'етнама, з якіх складалася група, да апошняга былі ўпэўненыя, што ў іх атрымалася прарвацца на тэрыторыю Польшчы. Кожны заплаціў за пераход ад 10 да 15 тысяч еўра.
Высветлілася, што праваднік — добра вядомая ў Чачні асоба: яго судзілі за шэраг злачынстваў тэрарыстычнай накіраванасці. У складзе бандфармаванняў ён падрываў цягнікі, абстрэльваў міліцэйскія патрулі, аказваў узброены супраціў пры затрыманні. Потым супрацоўнічаў са следствам і паказваў схроны зброі.
За садзейнічанне арганізацыі незаконнай міграцыі групай асоб па папярэдняй змове ўраджэнца Чачні асудзілі на 4 гады пазбаўлення волі ва ўмовах узмоцненага рэжыму. Прысуд пакуль не ўступіў у законную сілу — абвінавачаны настойвае на тым, што ён адзін накіроўваўся ў Нямеччыну лячыць сухоты, а в'етнамцаў выпадкова сустрэў па дарозе.
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы31
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары