У Беларусі, паводле папярэдніх даных, на пачатак 2017 года колькасць мужчын склала 4 427 тыс. чалавек — гэта на 6 тыс. больш, чым было год таму. Пра гэта паведамілі ў Нацыянальным статыстычным камітэце.
Тры чвэрці мужчынскага насельніцтва рэспублікі — гараджане. Кожны пяты мужчына жыве ў Мінску.
Сярэдні ўзрост беларускіх мужчын складае 37 гадоў. Прычым мужчыны, якія пражываюць у сельскай мясцовасці, старэйшыя за мужчын-гараджан.
У агульнай колькасці мужчын 65 працэнтаў знаходзяцца ў працаздольным узросце, 16 працэнтаў — старэйшыя за працаздольны, кожны пяты — ва ўзросце малодшым за працаздольны. Сярод занятых у эканоміцы рэспублікі мужчыны складаюць 49,3 працэнта. Традыцыйна пераважна мужчынскімі з'яўляюцца такія віды эканамічнай дзейнасці, як прамысловасць, будаўніцтва і транспарт.
У 2016 годзе шлюб заключылі 64,5 тыс. мужчын, пры гэтым упершыню стварылі сем'і 46,1 тыс. мужчын. Стварэнню сям'і мужчыны аддаюць перавагу ва ўзросце 20-29 гадоў. Прычым кожны трэці мужчына, які заключыў шлюб у мінулым годзе, знаходзіўся ва ўзросце 25-29 гадоў, кожны чацвёрты — ва ўзросце 20-24 гады.
23 лютага адзначаецца Дзень абаронцаў Айчыны і Узброеных Сіл Рэспублікі Беларусь. Гэты дзень многімі ўспрымаецца таксама як свята мужчын.
У агульнай колькасці насельніцтва Беларусі на працягу доўгага перыяду часу ўдзельная вага мужчын застаецца нязменнай — 46,6 працэнта.
Цяпер чытаюць
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2121
Каментары