Камісія святароў Рускай праваслаўнай царквы не выявіла слядоў міратачэння на бюсце Мікалая II ля сімферопальскай капліцы, аб якім заявіла дэпутат Дзярждумы Наталля Паклонская, паведамляе ВВС.
«На момант наведвання капліцы святых царскіх пакутнікаў камісіяй слядоў міратачэння на бронзавым бюсце цара-пакутніка Мікалая II і абразах у капліцы не выяўлена», — гаворыцца ў паведамленні прэс-службы Сімферопальскай і Крымскай епархіі.
Бюст правярала камісія з пяці святароў. Мяркуючы па паведамленні епархіі, яны шукалі на бюсце кананізаванага рускага цара сляды міры або іншых выдзяленняў, але не знайшлі. У той жа час камісія парэкамендавала святару, які служыць у капліцы, уважліва назіраць за бюстам.
«Для прыняцця канчатковага рашэння па гэтым пытанні камісія лічыць мэтазгодным святару, які апякае капліцу, працягнуць назіранне, і ў выпадку з'яўлення слядоў міратачэння неадкладна паведаміць кіруючаму архірэю і камісіі», — гаворыцца ў заяве.
У РПЦ таксама заявілі пра недарэчнасьць кпінаў з Наталлі Паклонскай, якія з'явіліся ў сацыяльных сетках пасля таго, як кароткі ролік з вытрымкай з яе інтэрв'ю стаў папулярным.
«Не будзем крытыкаваць маладую, недасведчаную яшчэ ў палітыцы жанчыну-дэпутата. Не варта звяртаць увагі на багаборцаў і сеткавых пустабрэхаў — гарбатага магіла выправіць. Пакінем у спакоі і высокаадукаваных праваслаўных інтэлігентаў і багасловаў, у якіх сам факт міратачэння выклікае з'едлівыя насмешкі», — заявіў кіраўнік сінадальнай камісіі па кананізацыі святых епіскап Панкрацій.
Раней Паклонская у інтэрв'ю тэлеканалу «Царьград ТВ» заявіла, што бюст Мікалая II, устаноўлены каля капліцы пры пракуратуры, пачаў выдзяляць духмяную вадкасць.
«Сёння мае супрацоўнікі тэлефануюць з Крыма, з пракуратуры, якія даглядаюць капліцу, і кажуць, што сёння раніцай бюст Мікалая II, гаспадара нашага, які мы ўсталявалі каля капліцы, заміраточыў, — сказала Паклонская. — І гэта ў стогадовую гадавіну адрачэння цара Мікалая ад трона. Ён нам дапамагае, бо яны загінулі для таго, каб мы зрабілі Расію квітнеючай і вялікай. Мы абавязаныя гэта зрабіць».
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары