Хабараўскія таксісты, якія прымусілі пасажыраў запэцкаць сабе твары зялёнкай, бо тыя з імі не расплаціліся, былі звольненыя пасля таго як відэа з іх удзелам разышлося ў інтэрнэце, паведамляе ВВС.
У службе таксі «Максім» пагадзіліся скасаваць дамову з таксістамі пасля звароту Далёкаўсходняй асацыяцыі перавозчыкаў.
Нагадаем, на відэазапісы двое мужчын каля машыны таксі прымушаюць дзяўчыну памыцца зялёнкай. «Будзеце ў «Юцюбе», — кажа таксіст, наліваючы зялёнку ў далоні адной з пасажырак. Побач стаіць сяброўка дзяўчыны з зялёным тварам і яшчэ адзін мужчына, меркавана, таксама таксіст.
Кіроўцы тлумачаць тое, што адбываецца, тым, што дзяўчаты ехалі без грошай. Мыючыся, дзяўчына смяецца і кажа, што калі б яна аказалася сведкай здарэння, «сама стаяла б і ўгарала».
Відэа выклікала рэзананс — мясцовая паліцыя пачала даследчую праверку.
Відэазапісаў, на якіх, мяркуючы па апісанні, таксісты мажуць кліентаў, якія не заплацілі, зялёнкай, у расійскім YouTube некалькі дзясяткаў. Падобныя выпадкі адбываліся ў Ніжагародскай вобласці, у Омску, Тагіле, Ліпецку, Новакузнецку і казахстанскім Кастанаі. Самае даўняе відэа датаванае 2014 годам.
Цяпер чытаюць
Першага намесніка гендырэктара «Белвеста» пасадзілі на тры з паловай гады за палітыку5
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1616
Каментары