Шматнацыянальныя вайсковыя вучэньні Паўночнаатлянтычнага альянсу Agile Spirit 2017 пачынаюцца 3 верасьня ў Грузіі. Пра гэта паведамляе прэс-служба Міністэрства абароны Грузіі.
У грузінскі порт Поці прыбылі амэрыканскія танкі Abrams 1 і бронетранспарцёры LAV, якія чыгункаю павінны даставіць на ваенны палігон Орфала.
Мэтай вучэньняў зьяўляецца дасягненьне гатоўнасьці да ўдзелу ў сумесных апэрацыях у складзе сіл хуткага рэагаваньня NATO. У праграме таксама прымуць удзел вайскоўцы з Украіны, Балгарыі, Латвіі, Румыніі і Армэніі.
Вучэньні працягнуцца да 11 верасьня.
У пачатку жніўня ў Грузіі прайшлі маштабныя ваенныя вучэньні Noble Partner. Акрамя пяці краін-сябраў NATO, у іх прынялі ўдзел партнэры Паўночнаатлянтычнага альянсу — Украіна, Грузія і Армэнія.
«Анліфаншчыца з Пінска» кажа, што яна не анліфаншчыца і не ў рабстве ў М'янме6
Каментары