У наступным годзе энергазберагальныя лямпы з'явяцца ва ўсіх мінскіх пад'ездах
Завяршыць абсталяванне месцаў агульнага карыстання (МАК) у сталічным жылфондзе энергазберагальнымі лямпачкамі плануецца ў 2018 годзе. Пра гэта, як перадаюць «Мінск-Навіны», паведаміў журналістам галоўны інжынер ГА «Мінская гарадская жыллёвая гаспадарка» Ігар Ганчарык.
Ён растлумачыў, што толькі з пачатку 2017-га ў МАК у жылых дамах сталіцы ўсталявана 57 тысяч святлодыёдных свяцільняў. Такія мерапрыемствы даюць прыкметны эфект: эканоміцца да 40% электраэнергіі на асвятленне гэтых месцаў у параўнанні з тым часам, калі там стаялі лямпачкі напальвання.
Ганчарык падкрэсліў, што пачынаючы з 2010 года цепласпажыванне ў сталіцы трымаецца на адным і тым жа ўзроўні, нягледзячы на тое, што колькасць жылых дамоў пастаянна павялічваецца. Гэта адбываецца дзякуючы шэрагу мерапрыемстваў, якія падвышаюць энергаэфектыўнасць жылля і зніжаюць цепластраты.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары