На тэлеканалах Малдовы ў хуткім часе не будуць транслявацца расійскія навіны і палітычныя ток-шоу, піша Deutsche Welle.
Папраўкі ў заканадаўства, прынятыя парламентам 7 снежня адразу ў двух чытаннях, дазваляюць рэтрансляваць на тэрыторыі краіны толькі тыя інфармацыйныя і аналітычныя праграмы, якія выраблены ў краінах, якія ратыфікавалі Еўрапейскую канвенцыю аб трансгранічным тэлебачанні. Расія падпісала гэты дакумент яшчэ ў 2006 годзе, але не ратыфікавала яго. Папраўкі ў малдаўскі Кодэкс аб тэлерадыёвяшчанні прадугледжваюць для парушальнікаў закона штрафы ад 70 да 100 тысяч лееў (ад 3,5 да 4,9 тыс. еўра).
Абмеркаванне законапраекта ў парламенце заняло тры гадзіны. Хоць у дакуменце не гаворыцца непасрэдна аб забароне трансляцыі менавіта расійскіх праграм і няма ні слова пра расійскую прапаганду, прыхільнікі новаўвядзенняў казалі менавіта пра яе і шкоду, якую яна прыносіць. Іх апаненты нагадвалі аб правах чалавека і свабодзе слова. Апазіцыйная фракцыя камуністаў пакінула залу пасяджэнняў, не чакаючы галасавання.
Сацыялісты, якія выступаюць за еўразійскі шлях развіцця краіны, хоць і засталіся ў зале, але галасаваць не сталі. 61 дэпутат з 87 прысутных на пасяджэнні, выказаўся «за». Усяго ў малдоўскім парламенце 101 дэпутат.
Цяпер чытаюць
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары