Прадстаўніца МЗС Чэхіі заявіла, што Лукашэнка можа быць запрошаны на саміт ЭС, калі ў Беларусі будуць праведзены дэмакратычныя рэформы.
Чэхія будзе старшынстваваць у ЕС з 1 студзеня 2009 года.
«Магчыма, што падчас чэшскага старшынства будзе праведзены саміт ЕС з усходнімі партнёрамі — Украінай, Малдовай, Азербайджанам, Арменіяй і Грузіяй, — сказала яна. — Але мы пакуль не ўпэўнены, ці будзе запрошана Беларусь».
Пры гэтым З.Апляталава падкрэсліла, што ў ЕС хацелі б «бачыць Беларусь на гэтым саміце, але ёсць некаторыя ўмовы».
«Беларусь, па‑першае, павінна далучыцца да праграмы Усходняга партнёрства і, канешне ж, павінна стаць на шлях дэмакратычнага развіцця», — сказала прадстаўнік МЗС Чэхіі.
Паводле слоў З.Апляталавай, канчатковае рашэнне аб даце саміта і яго ўдзельніках будзе прынята ў снежні гэтага года. Пры гэтым, падкрэслівае EUobserver, прадстаўнікі беларускай апазіцыі ўжо запрошаны.
Цяпер чытаюць
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць32
Каментары