У Брэсце ў судзе правялі флэшмоб — людзі разгарнулі плакаты з копіяй карціны «Здзіранне скуры з прадажнага суддзі»
У пятніцу 6 ліпеня пасля пасяджэння ў судзе Ленінскага раёна Брэста актывісты правялі флэшмоб. Яны паднялі ўверх аркушы, на якіх былі раздрукаваны фотакопіі карціны нідэрландскага мастака Давіда Герарда «Суд Камбіса», на якой з прадажнага суддзі здзіраюць скуру. Карціна была напісана для залы судовых пасяджэнняў у ратушы Бруге і была закліканая нагадваць пра неабходнасць судзіць справядліва, паведамляе Брэсцкая газета.
Акрамя таго, удзельнікі флэшмобу склалі скаргі на імя старшыні суда з просьбай правесці праверку дзеянняў суддзі.
Флэшмоб пачаўся пасля разгляду адміністрацыйных спраў у дачыненні да Дзмітрыя Бекалюка і Алега Ярмоленкі. Іх прыцягваюць да адміністрацыйнай адказнасці за збор подпісаў за адстаўку кіраўніцтва Брэста, Брэсцкага раёна і Брэсцкай вобласці ў сувязі са стратай даверу. Праваахоўнікі палічылі гэта несанкцыянаваным масавым мерапрыемствам (артыкул 23.34 КаАП РБ).
Дзмітрый Бекалюк хадайнічаў пра выклік у суд сведак у асобе супрацоўнікаў міліцыі, якія запісвалі затрыманне, а таксама пра выпатрабаванне відэазапісаў, зробленых імі, для аб'ектыўнага разгляду справы. Суддзя Святаслаў Каліна адмовіў у задавальненні хадайніцтва. Разгляд гэтай справы, як і справы Алега Ярмоленкі, працягнецца 11 ліпеня з удзелам адвакатаў.
-
Мішусцін: Цана газу для стран ЕАЭС не перавышае 200 даляраў за 1000 кубаметраў
-
Ціханоўскі лайкнуў камент «У Вольнай Беларусі Ціханоўская будзе сядзець за свае злачынствы»
-
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г
Цяпер чытаюць
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г4
Каментары