Плануецца ў найбліжэйшы час стварыць інтэрнэт-партал, дзе любы жыхар Латвіі зможа праверыць дакладнасць публічна распаўсюджаных навін, паведаміў сёння міністр унутраных спраў Латвіі Рыхард Казлоўскіс.
Жыхарам не варта верыць усяму, што яны чытаюць у інтэрнэце, лепш шукаць інфармацыю ў афіцыйна зарэгістраваных СМІ або дзяржаўных структурах, падкрэсліў ён. Сапраўднасць многіх навін можна хутка праверыць, проста патэлефанаваўшы ў аператыўныя службы.
На пытанне, ці адсочваецца ў перадвыбарчы перыяд у краіне распаўсюджванне ўсіх ілжывых навін, Казлоўскіс адказаў: «Мы працуем у гэтым кірунку, створаны каардынуючы механізм. Я вельмі спадзяюся, што мы здолеем стварыць адзіны партал, дзе любы жыхар Латвіі зможа высветліць сапраўднасць інфармацыі».
Каментары