Актывіста Змітра Дашкевіча будуць судзіць за абразу дырэктара Бараўлянскага лясгаса Аляксандра Мірановіча.
Дашкевіч ужо атрымаў копію пратакола. Актывіста вінавацяць у абразе службовай асобы пры выкананні ім службовых паўнамоцтваў.
Нагадаем, у пачатку ліпеня Мірановіч спрабаваў не даць Дашкевічу ўсталяваць крыжы ў Курапатах.
Сам Зміцер Дашкевіч кажа, што не ведае, чым мог абразіць службоўца.
«Ну дакладна, што я не аблаяў яго матам. Можа, пакрыўдзіўся на цытаванне Бібліі? Я ўзгадаў выраз «не кідайце перлы перад свіннямі», але ж свіннёй яго не называў, — распавёў «Нашай Ніве» Дашкевіч. — Ну і калі Мірановіч пачаў крычаць, што павырывае ўсе крыжы, я сказаў яму: «Сыдзі ў імя Ісуса Хрыста!». Ён тады пракрычаў мне ў адказ, што тое абраза».
Таксама 2 жніўня Дашкевіча чакае суд за парушэнне заканадаўства аб правядзенні масавых мерапрыемстваў. Сам ён мяркуе, гэта звязана са стаяннем у Курапатах з расцяжкай «Курапаты — дарога смерці».
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары