5 студзеня ў Мінску і Магілёве з доказамі злачынства затрыманыя ўдзельнікі міжнароднай злачыннай групы, якія займаліся «дамоўнымі» матчамі, паведамляе прэс-служба міліцыі.
Паведамляецца, што цягам доўгага часу члены групы арганізоўвалі і праводзілі «дамоўныя» матчы ў розных гульнявых камандных відах спорту. Яны дзейнічалі па загадзя агавораным сцэнары, а вынік гульні вызначаўся выстаўленнем букмекерскімі канторамі каэфіцыентамі на пэўны вынік. Незаконны грашовы прыбытак ўдзельнікі «шэрых» схем атрымлівалі ад букмекерскіх кантор краін Заходняй Еўропы і Азіі.
Заведзена крымінальная справа па ч. 3 арт. 209 (махлярства) і ч. 2 арт. 253 (подкуп удзельнікаў і арганізатараў прафесійных спартовых спаборніцтваў і відовішчных камерцыйных конкурсаў) Крымінальнага кодэкса Рэспублікі Беларусь.
У дачыненні да трох падазраваных абраная мера стрымання ў выглядзе ўтрымання пад вартай.
Цяпер чытаюць
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»1
Каментары