Цяпер лёс «футбаліста-гоншчыка» Іллі Лухвіча будзе вырашаць Следчы камітэт.
Хлопца пакінулі пад вартай як мінімум да 24 студзеня.
Гэтую інфармацыю «Нашай Ніве» пацвердзіў бацька хлопца Аляксандр Лухвіч.
Чытайце: Футбаліст ганяе па Мінску на дарагой машыне і фіксуе «подзвігі»-парушэнні ў сябе ў інстаграме ВІДЭА
Чытайце: «Футбаліста-гоншчыка» Лухвіча затрымалі, мамчына аўто арыштавалі. Бацька: Мне сорамна за сына
Тым часам афіцыйны прадстаўнік Следчага камітэта Юлія Ганчарова паведаміла, што справай гора-футбаліста цяпер займаецца Следчы камітэт. Праводзіцца праверка, па яе выніках будзе — ці не будзе — разглядацца пытанне аб завядзенні крымінальнай справы за махлярства. А гэта да 3 гадоў пазбаўлення волі (калі махлярства здзейсненае неаднаразова — то нават да 4 гадоў).
У чым канкрэтна падазраюць Лухвіча, следчыя пакуль не ўдакладнілі.
Прычым праверка праводзіцца не толькі ў дачыненні да Іллі, але і да яго 18-гадовай дзяўчыны Настассі, якая, дарэчы, вучыцца ў Акадэміі МУС на першым курсе.
Нагадаем, Ілля Лухвіч адзначыўся шматлікімі парушэннямі правілаў дарожнага руху, якія сам здымаў на відэа і сам выкладваў у сеціва. Ездзіў ён на уседарожніку «Інфініці», які належыць яго маці. Часам на «Інфініці» хлопец прымацоўваў чырвона-сінія ліхтары, вельмі падобныя на міліцэйскую мігалку.
Памілаваныя 15 чалавек, сярод якіх 13 палітвязняў15
Каментары