Па Мінску будзе ездзіць грузавое таксі і забіраць старыя тэлевізары
У інтэрнэце з'явілася незвычайная аб'ява: шукаюць самы стары тэлевізар, яго ўладальніку абяцаюць 4 000 рублёў. Як аказалася, гэта сумесная акцыя відэасэрвісу Voka і арганізацыі па ўтылізацыі электраадыходаў БелВТІ. Беларусаў заклікаюць пазбаўляцца ад састарэлых тэхналогій правільна: не выкідаць «блакітныя экраны» на сметнік, забруджваючы прыроду, а адпраўляць на перапрацоўку.
Каб спрасціць працэдуру здачы старых тэлевізараў, арганізатары пусцілі па Мінску спецыяльнае грузавое таксі, якое забярэ іх з 1 па 3 лютага, у найбліжэйшую пятніцу і выхадныя, калі чакаецца найбольшы наплыў у пункты прыёму. Пакінуць заяўку мінчане могуць праз інтэрнэт па гэтым адрасе да 1 лютага ўключна.
Усе сабраныя тэлевізары будуць перададзеныя ў пункт перапрацоўкі для другаснага выкарыстання ўжо ў новых прыладах.
Кожны, хто здасць тэлевізар у найбліжэйшыя дні, зможа прэтэндаваць на ўзнагароду ў 4 000 рублёў за самы стары тэлевізар. Каб яшчэ больш зматываваць беларусаў пазбавіцца ад непатрэбнага, Voka падорыць кожнаму ўдзельніку акцыі месячную падпіску на самую вялікую падборку фільмаў у фармаце 4K.
Відэасэрвіс Voka ў партнёрстве з БелВТІ зладзіў такую акцыю, каб прыцягнуць увагу да новых тэхналогій. Voka на днях прадставіў самую буйную ў краіне калекцыю фільмаў у 4K. Гэта відэа ў звышвысокім пашырэнні, якое дазваляе дома атрымліваць такую ж асалоду ад фільмаў, як і ў кінатэатры.
Новая тэхналогія лічыцца «забойцай» папярэдніх эпох: выява ў такім пашырэнні, напрыклад, у 23 разы больш выразная, чым на аналагавых экранах, і ў чатыры — чым у Full HD. Тэлевізары, якія транслююць карцінку ў 4К, пачалі масава вырабляць тры-чатыры гады таму.
Цяпер чытаюць
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве44
Каментары