Старшыня Савета Рэспублікі Міхаіл Мясніковіч раскрытыкаваў мясцовыя саветы дэпутатаў і паставіў у прыклад актывістаў, якія пратэстуюць супраць будаўніцтва акумулятарнага завода ў Брэсце, паведамляюць naviny.by.
Мясніковіч адзначыў, што дэпутаты практычна не выкарыстоўваюць сацыяльныя сеткі для зносін і атрымання інфармацыі.
«У той жа час супольнасці, што арганізуюцца самастойна, часцяком апазіцыйныя, якія выступаюць за вырашэнне лакальных праблем, актыўна прадстаўлены ў інтэрнэце, маюць рухомасць і хуткасць рэагавання, гатовыя актыўна і публічна адстойваць свае інтарэсы», — панаракаў Мясніковіч.
У якасці прыкладу ён прывёў акцыі праціўнікаў будаўніцтва акумулятарнага завода ў Брэсце.
Мясніковіч лічыць, што было б правільна, калі б Брэсцкі абласны савет далажыў, як у іх ідуць справы.
Цяпер чытаюць
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары