Загінулыя верхаводы прарасійскіх сепаратыстаў Міхаіл Талстых (Гіві) і Арсен Паўлаў (Матарола), а таксама нябожчык сын экс-прэзідэнта Украіны Віктара Януковіча — Віктар, былі ў спісах выбаршчыкаў, таму што Дзяржаўнаму рэестру не ўдаецца атрымаць афіцыйную інфармацыю пра іх смерць, паведаміў генеральны дырэктар «Камітэта выбаршчыкаў Украіны» Аляксей Кошаль, перадае Укрінформ.
«Спецыфіка Дзяржаўнага рэестра ў тым, што сапраўды ў спісах выбаршчыкаў прысутнічаюць нябожчыкі Гіві, Матарола і Януковіч-малодшы. Дзяржаўны рэестр выбаршчыкаў не можа атрымаць афіцыйную інфармацыю пра смерць гэтых асоб. Таму яны фармальна прысутнічаюць. Фармальна прысутнічаюць і людзі, якія памерлі за некалькі дзён да галасавання, — гэта жыццё і так здараецца. Таму выбаршчыкі маглі выяўляць «мёртвыя душы», — сказаў Кошаль, адзначыўшы, што гаворка ідзе «не пра сістэму, а пра невялікія маштабы».
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары