«Вельмі чакала дачку». Што вядома пра парадзіху, якая скончыла жыццё самагубствам у гродзенскім радзільным доме
Ноччу 14 чэрвеня ў Гродзенскім абласным перынатальным цэнтры здзейсніла суіцыд жанчына. Сябры і сваякі парадзіхі кажуць, што не заўважалі якіх-небудзь змен у паводзінах і стане жанчыны — нічога, што відавочна магло б падштурхнуць 27-гадовую Алену да суіцыду. Яна разам з мужам вельмі чакала нараджэння дачкі. Дзіця з'явілася на свет 6 чэрвеня, піша Tut.by.
Алена працавала бухгалтарам у адной са школ Гродна. На яе старонцы ў сацыяльных сетках — пазітыўныя статусы пра каханне і адносіны, фатаграфіі з мужам і з падарожжаў.
- Заўсёды спакойная была, ціхая дзяўчынка. Дачку яны з мужам вельмі чакалі, да апошняга ўсё хавалі. Баяліся, напэўна, каб не сурочылі, — кажа сваячка дзяўчыны.
На тое, па словах знаёмых Алены, былі прычыны: некалькі гадоў таму жанчына нарадзіла дзіця нашмат раней за тэрмін, яно памерла.
Па словах знаёмых жанчыны, Алену раніцай знайшлі павешанай у сталовай аддзялення, дзе яна ляжала разам з дачкой.
- Напярэдадні жанчына без ускладненняў нарадзіла здаровае дзіця. Яе паводзіны не выклікалі праблем, — распавёў галоўны ўрач абласнога перынатальнага цэнтра Уладзімір Звярко.
Цяпер чытаюць
Сілавікі завітваюць да беларусаў, якіх ужо не могуць прыцягнуць па крыміналцы за ўдзел у маршах, з маскі-шоу — для прафілактыкі2
Сілавікі завітваюць да беларусаў, якіх ужо не могуць прыцягнуць па крыміналцы за ўдзел у маршах, з маскі-шоу — для прафілактыкі
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары