Прэм'ер Ірландыі: Жорсткі Брэкзіт можа стаць штуршком да ўз'яднання дзвюх Ірландый
Выхад Вялікабрытаніі з Еўрапейскага саюза без пагаднення можа стаць штуршком да ўз'яднання Ірландыі з Паўночнай Ірландыяй. Пра гэта заявіў прэм'ер-міністр Ірландыі Леа Варадкар, піша Ройтэрз.
Ён таксама выказаў меркаванне, што жорсткі Брэкзіт можа паставіць пад сумнеў і прыналежнасць Шатландыі да Злучанага Каралеўства.
Рашэнне аб выхадзе з ЕС Вялікабрытанія прыняла падчас рэферэндуму ў чэрвені 2016 года. Тады 51,9% брытанцаў прагаласавалі за выхад з ЕС. Пры гэтым 56% жыхароў Паўночнай Ірландыі прагаласавалі за тое, каб застацца ў ЕС.
Еўрасаюз і Вялікабрытанія ўзгаднілі 26-старонкавую дэкларацыю аб будучых адносінах. Аднак дакумент так і не быў ратыфікаваны, бо брытанскі парламент не падтрымаў ўрадавы праект пагаднення. На саміце 10 красавіка лідары краін Еўрасаюза зацвердзілі адтэрміноўку Брэкзіту да 31 кастрычнiка 2019 года.
Напярэдадні пра жорсткі Брэкзіт заявіў новы брытанскі прэм'ер-міністр Барыс Джонсан.
Вялікабрытанія выйдзе з ЕС без здзелкі, калі Брусель адмовіцца яе перагледзець
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары