У верасні «Савушкаў прадукт» пачаў вытворчасць пітнога ёгурту для дзяцей. Навінка будзе выпускацца толькі з натуральных інгрэдыентаў пад маркай «СуперКід» з двума смакамі — клубніцы з ваніллю ды банан з яблыкам. Пітныя малочныя дэсерты ўжо паступілі на паліцы крам у Мінску і рэгіёнах.
Пітны ёгурт атрымліваюць з натуральнага каровінага малака, фруктовага пюрэ, соку і закваскі. Пры распрацоўцы пітнога ёгурту «СуперКід» спецыялісты кампаніі зрабілі акцэнт на абсалютна «чыстай этыкетцы»: у складзе няма штучных фарбавальнікаў і араматызатараў.
Для большай карысці пітны ёгурт «СуперКід» узбагачаны кальцыем і вітамінам D. Так, кальцый удзельнічае ў працы нервовай сістэмы, працэсах мінералізацыі зубоў і костак, а таксама адказвае за скарачэнне цягліц. Карысць вітаміну D асабліва вялікая ў перыяд фарміравання касцяной тканкі і актыўнага росту. У спалучэнні з іншымі вітамінамі вітамін D станоўча ўплывае на ўмацаванне імуннай сістэмы арганізма.
Пітны ёгурт выпускаюць у бутэльках аб'ёмам 90 грам, форма якіх адаптаваная пад дзіцячую далонь. На ўпакоўцы намаляваны супергерой-бурундук СуперКід — фірмовы персанаж гандлёвай маркі. Навінка прызначана для дзяцей ад трох гадоў і прадстаўлена ва ўсіх гандлёвых сетках краіны.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць13
Каментары