Незвычайны судовы працэс па дзікунскім факце апаганьвання магілы на вясковых могілках завяршыўся днямі ў судзе Пастаўскага раёна.
Незвычайны судовы працэс па дзікунскім факце апаганьвання магілы на вясковых могілках завяршыўся днямі ў судзе Пастаўскага раёна.
На лаву падсудных прыйшлося сесці 58‑гадовай жыхарцы вёскі Ярэва, якая напрыканцы мінулага года не толькі апаганіла свежую магілу, але ледзь не выкапала з зямлі труну з нябожчыцай.
Зусім не жартоўныя страсці разыграліся ў той халодны лістападаўскі дзень. Толькі паспела ад’ехаць з могілак пасля пахавання група родных, як на пагосце з’явілася раз’юшаная цётка Юзэфа, абураная тым, што на могілках занялі месца пахавання, якое яна намеціла для сябе.
У шале жанчына раскідала вянкі і запаленыя свечкі, а потым на ровары прыехала скандаліць у хату памерлай на жалобны абед. Адтуль сын нябожчыцы выставіў няпрошаную госцю за дзверы, аднак яна і не думала супакоіцца. Потым сапраўды з крыкам і лямантам на могілках пачала раскопваць магілу, але аднавяскоўцы не далі ажыццявіць гэту задуму.
Пасля заявы абураных і зняважаных родных памерлай у міліцыю была заведзена крымінальная справа. Праўда, да пазбаўлення волі справа не дайшла, але за апаганьванне могілак суд аштрафаваў пенсіянерку на 1 мільён 225 тысяч рублёў.
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары