Украінскія СМІ распаўсюдзілі аўдыязапісы нібыта закрытай нарады прэм'ер-міністра краіны Аляксея Ганчарука з прадстаўнікамі кабінета міністраў і кіраўніцтвам Нацбанка, дзе ён назваў сябе і кіраўніка дзяржавы «прафанамі» ў эканоміцы, аднак ва ўрадзе краіны не каментуюць гэтую інфармацыю, піша tass.ru.
«Прэс-служба Кабінета міністраў не мае інфармацыі аб сапраўднасці ніводнага аўдыя- або відэазапісу, якія пашыраюцца ў інтэрнэце», — паведаміла ў сераду ўвечары прэс-служба ўкраінскага ўрада.
Напярэдадні на створаным у сераду YouTube-канале пад назвай «Як падмануць прэзідэнта» былі апублікаваныя аўдыяролікі, на якіх нібыта запісаныя фрагменты нефармальнай нарады Ганчарука 16 снежня 2019 года перад сустрэчай з прэзідэнтам Уладзімірам Зяленскім.
Голас на аўдыязапісе, які прыпісваецца Ганчаруку, просіць суразмоўцаў дапамагчы яму растлумачыць кіраўніку дзяржавы, чаму ўмацоўваецца грыўна і як гэта можа адбіцца на дзяржаўным бюджэце. У сваю чаргу нібыта Ганчарук на запісе прызнае, што ён сам — «прафан» у эканоміцы і што ў прэзідэнта «вельмі прымітыўнае разуменне эканамічных працэсаў».
У другім запісе, акрамя ўжо згаданых асоб, нібыта таксама гучаць рэплікі кіраўніка Мінэканомікі Цімафея Мілаванава і намесніка кіраўніка НБУ Дзмітрыя Салагуба.
Рэакцыі на апублікаваныя запісы ні з боку афіцыйных асоб, ні з боку праваахоўных органаў пакуль не было.
-
У Іране ўзламалі спадарожнікавае вяшчанне дзяржаўных тэлеканалаў — Рэза Пехлеві заклікаў зрынуць рэжым аятол ВІДЭА
-
У Рызе выявілі групу расейскіх інфарматараў з ліку грамадзян Латвіі, два з іх паспелі з'ехаць у Беларусь
-
Трамп заявіў, што больш не абавязаны думаць пра мір, бо яму не ўручылі Нобелеўскую прэмію міру
Цяпер чытаюць
Калеснікава: Я не разумею, чаму Еўропа не пачала перамовы з Лукашэнкам раней за ЗША26
Каментары